ခေါင်ခေါင်

ပျော်ရွှင်ခြင်းအက်ဆေး

Published by ခေါင်ခေါင် under on Wednesday, November 17, 2010
ပျော်ရွှင်ခြင်းအက်ဆေး…
(၁)

လေထဲမှာပျံသန်းဖို့ဆိုတဲ့ ကျွန်မအတွေးတွေကို သူကဝေဖန်တယ်။ “ မင်းဟာက မဟုတ်တရုတ်တွေစဉ်းစားနေတာပဲ”.. “ မဟုတ်တရုတ်မဟုတ်ဘူး..” လို့ကျွန်မအေးအေးဆေးဆေး ပြန်ဖြေပါတယ်။ သူကဆက်ပြောတယ် “ ဒါကစိတ်စွဲလန်းမှုတစ်ခုပါ..ချစ်ရယ်.. မင်းအနေနဲ့ စိတ်တွေမလွတ်လပ်လို့ ထွက်ပေါက်ရှာချင်တာမျိုးပါ…”
ပင်လယ်ကမ်းစပ်မှာလဲလျောင်းနေရင်း ပင်လယ်စင်ရော်တွေကို..မြင်နေရတယ်..။ လေဟုန်စီးလိုက် ၊ ထိုးစိုက်ချလိုက်၊ ပျံဝဲလိုက် ၊ ကွေ့ပတ်လိုက်..နဲ့..။ ကျွန်မသာ.. ပင်လယ်စင်ရော်တစ်ကောင်ဖြစ်ခဲ့ရင်…။
“မင်းက လေထဲပျံသန်းနိုင်ပြီဆိုရင်တောင်.. ငါးတစ်ကောင်လို.. ပင်လယ်နက်ထဲမှာ.. မင်းရေကူးချင်အုံးမှာ..” သူကပြောပြန်တယ်။ “ မဟုတ်ပါဘူး.. ကျွန်မက လေထဲပျံသန်းဖို့ပဲ ပိုစိတ်ဝင်စားတာပါ”.. သူကျွန်မမျက်နှာကိုလှည့်ကြည့်ပြီးပြောတယ်.” မင်းက သိပ်လောဘကြီးတာပဲ… မင်းကိုပျော်ပျော်ရွှင်ရွှင် ဘယ်တော့များမှ တွေ့ရမှာလဲ”… ကျွန်မပြန်ဖြေခဲ့တယ်..” လေထဲမှာသာ ပျံသန်းနိုင်မယ်ဆိုရင်.. ကျွန်မသိပ်ပျော်မှာပါ..”
( ၂ )
“မင်းငိုနေတာလား..” သူကမေးတယ်။
“ မဟုတ်ပါဘူး..”
“ ဘာဖြစ်လို့ငိုတာလဲ ငါသိတယ်.. မင်းအမေကို သတိရလို့လား..”
“ မဟုတ်ပါဘူး.. “.. “ ဘာလို့မဟုတ်ရမှာလဲ…”…” မဟုတ်ပါဘူး ဆို..”
“ဒါဆိုမင်းလေထဲမှာမပျံသန်းနိုင်လို့..မဟုတ်လား.”.. ..
“ ကျွန်မငိုနေတာမဟုတ်ဘူး..” လို့.. ပြန်ဖြေလိုက်တယ်။
(၃)
ကျွန်မအတွက်ယူလာတဲ့ ကော်ဖီပန်းကန်ကို ငေးစိုက်ကြည့်နေမိတယ်။
“နေမကောင်းဘူးလား” လို့..သူကမေးတယ်။
“ ကောင်းပါတယ်” .. “ ဒါဆို.. ဘာလို့ မလှုပ်မယှက်ကော်ဖီပန်းကန်ကို စိုက်ကြည့်နေတာလဲ..”
“ ကျွန်မ ကော်ဖီမသောက်ချင်ဘူး..”
သူကျွန်မကို စိတ်ပျက်သလို တစ်ချက်ကြည့်တယ်။
“ လေထဲပျံသန်းဖို့ စဉ်းစားနေပြန်ပြီ.. ဟုတ်လား..”
“ မဟုတ်ပါဘူး.”
“ ဘာကို မဟုတ်ပါဘူးလဲ.. ငါသေချာပြောရဲတယ်။ မင်းဟာက ဒီလေထဲပျံဖို့လောက် တစ်ချိန်လုံးစဉ်းစားနေတယ်ဆိုတာ ငါအမြဲတမ်းသိတယ်နော်။ တစ်ဆိတ်အဲဒါကို ရပ်လိုက်ပါတော့.”
“ အင်းပါ..”
ခဏကြာတော့ သူထပ်ပြောပြန်တယ်..။
“မင်းအဲဒိကိစ္စကို စဉ်းစားနေပြန်ပြီလား.. ကိုယ့်ကို ရိုးရိုးသားသားပြော..”
“မဟုတ်ပါဘူး.. မစဉ်းစားပါဘူး”
“ ကိုယ့်ကိုဂတိပေး.. ဘယ်တော့မှ အဲဒိအကြောင်းတွေ မတွေးတော့ဘူးလို့..”
“ အင်းပါ.. ဂတိပေးတယ်..”
( ၄ )
“ ဒါကဘာကြီးလဲ” ကျွန်မဘေးနားမှာလာထိုင်ရင်း သူမေးတယ်။
“ ဒါက ရေပန့်..လေ”
“ ဟင်.. သူ့မှာ အတောင်ပံတွေနဲ့ပါလား..”
“ မဟုတ်ပါဘူး.. ဒါက ရေဒလက်တွေပါ.. ရေတွေကိုမတင်ဖို့လေ.. “
“ ကိုယ်ထင်တာတော့ ဒါပျံသန်းဖို့ကိစ္စနဲ့ပက်သက်ရမယ်.. ထင်တယ်..မင်းကျိန်ပြောရဲလား”
“ ဒါရေပန့်ပါ.. ကျွန်မကိုယုံပါ.”
“ ထားလိုက်ပါတော့.. ဘာပဲဖြစ်ဖြစ်ပေါ့.. ညနေစာစားလို့ရပြီ.. လာ..”
( ၅ )
အချိန်အတော်ကြာတဲ့အထိ ပျံသန်းဖို့ကိစ္စကို ကျွန်မတို့နှစ်ယောက်စလုံးမပြောဖြစ်ခဲ့ကြတော့ပါဘူး။ တစ်ည.သူနဲ့ကျွန်မ ပန်းကန်တွေအတူတူဆေးနေကြတုန်း.. အဲဒိကိစ္စကို သူအစဖော်ပြန်တယ်။
“ မင်းပြောတဲ့..ပျံသန်းဖို့ဆိုတဲ့.. ကိစ္စနဲ့တစ်ခုခုကိုများ.. တည်ဆောက်ပြီးပြီလား..”
“ အင်းပြီးပြီ.” ကျွန်မ ပြုံပြီး.. ပြန်ဖြေလိုက်တယ်။
“ ဒါဆို..မင်းဟာက လူဘယ်နှစ်ယောက်လောက် သယ်သွားနိုင်လဲ..”
“ကျွန်မတို့ ၂ ယောက်စလုံးကိုပေါ့… “
“ တစ်ကယ် ငါတို့ ၂ ယောက်လုံးကိုသယ်သွားနိုင်တယ်ပေါ့..”
“ ဟုတ်ပါ့ရှင်.. “.. သူ့မျက်နှာက.. ပျော်သွားပုံရတယ်။ ရုတ်တရက်.. သူကျွန်မပုခုံးကို.. လှမ်းပြီးဖက်ထားတယ်။ ဆပ်ပြာတွေပေနေတဲ့ လက်နဲ့ သူ့ခါးကို ကျွန်မပြန်ဖက်ထားလိုက်တယ်။
“ မင်းအဲဒါကြီးဆောက်ပြီးပြီဆိုရင်.. ငါ့ခွေးလေးအတွက်ရော. နေရာရှိပါ့မလားကွာ.”
“ ဘာလို့မရှိရမှာလဲ.. ရှင့်ခွေးအတွက်ဘာမှ စိတ်မပူနဲ့”
“ မင်းက တစ်ကယ်တော်တယ်..” လို့..သူကပြုံးရင်းပြောတယ်။
( ၆ )
ညက ကြယ်တွေအစုံအလင်နဲ့ ခမ်းနားနေပါတယ်။
“ ကဲ..ပြော.. ဘယ်နေရာကို သွားချင်လဲ..” လို့ကျွန်မမေးလိုက်တယ်။ သူက သူ့ရဲ ဦးထုပ်ကိုကောက်တပ်လိုက်ပြီး ခွေးကိုဆွဲခေါ်လိုက်တယ်။
“ ကိုယ်မသိဘူး..မင်းက ဘယ်နေရာကိုသွားချင်တာလဲ..”
“ဒီကမ္ဘာကြီးပေါ်က ရှင်သွားချင်တဲ့ ဘယ်နေရာဖြစ်ဖြစ်ပေါ့..”သူက ကျေနပ်စွာပြုံးရင်း.. “ကိုယ်တစ်ကိုကောင်းဆန်သလိုဖြစ်နေမှာပေါ့.. မင်းကဘယ်ကိုသွားချင်လဲပြော… “
သူ့မျက်ဝန်းတွေကို စိုက်ကြည့်ရင်း ကျွန်မပြောလိုက်တယ်..။
“ ရှင်နဲ့မခွဲရဘူးဆိုရင်.. ရှင်သွားချင်တဲ့ဘယ်နေရာဖြစ်ဖြစ် .ကျွန်မသွားချင်တယ်..”
သူက တစ်ချက်ရယ်ရင်း..
“ အင်း.. ဒါဆို.. ကိုယ်အမြဲတမ်းသွားချင်နေတဲ့နေရာက.. ဘိုနီယို ကျွန်းလေးဆီကိုပဲ.. “
“အိုခေ”.. ကျွန်မပြန်ဖြေလိုက်တယ်။
ကျွန်မကောင်းကင်ကြီးဆီကိုမော့ကြည့်လိုက်တယ်။ ပျံသန်းဖို့ရာအတွက် သိပ်ကောင်းတဲ့ညတစ်ညပဲ.။

ခေါင်ခေါင်

8 comments:

မိုးငွေ့...... said... @ November 18, 2010 at 8:20 PM

အချစ်ဆုံးညီမလေး ခေါင့် အတွက် အရင်ဦးဆုံးကွန်မန့်လာပေးတယ်...
ဒီအက်ဆေးကို ဖဘမှာ ဖတ်ပြီးသားပေမယ့် ထပ်ဖတ်လိုက်တယ် အရမ်းကြိုက်လို့...စိတ်ကူးသိပ်လှတဲ့ ညီမလေးကို စာတွေဆက်ရေးစေချင်ပါတယ်.......။

ခင်တဲ့
မမီး

သားထူး said... @ November 19, 2010 at 10:06 AM

ခုလည်း ကိုယ့်စိတ်တိုင်းကျ ပျံသန်းနေရပြီ မဟုတ်လား
မီးခေါင်

အိမ် said... @ November 20, 2010 at 6:31 AM

နတ်သမီးလေးလို အတောင်ပေါက်ပါစေ၊ အဲဒါဆို ခေါင်ခေါင်အဲ ..ဆိုပြီး လေကြောင်းလိုင်းဖွင့်ပြီး လုပ်စားလို့ ရပြီ။ အဲဒီကျရင် သားတို့ကို ဖရီးနော် ...

မေမိုးမခ said... @ November 22, 2010 at 8:14 AM

ခေါင် နင်လေကြောင်းလိုင်းဖွင့်ရင် မေမိုးကို မမေ့ရဘူးနော် မေမိုး လေယာဉ်မယ် လုပ်ပေးမယ် ဟိဟိ အရပ်တော့ နည်းနည်းပုတယ်
အက်ဆေးလေးက အရမ်းကောင်းတယ်ခေါင်ရေ အားပေးပါတယ် စာတွေ များများဆက်ရေးပါဦး (သူများကိုဘဲ ဆရာလုပ်နေတာ သူကျတော့ ရေးဘူး)

Anonymous said... @ December 20, 2010 at 7:46 AM

ပျံသန်းနိုင်တဲ့ အချိန်တွေ ရောက်မှာပါ ...

ညလင်းအိမ်

Anonymous said... @ June 11, 2012 at 2:52 AM

Update မဖြစ်တာ ကြာပြီ ထင်ပါရဲ့ ... ။

ဘာပဲ ဖြစ်ဖြစ် စာဖတ်ရတော့ ...

တစ်ခုခု ပြောချင်လာတာနဲ့ ...

လေထဲ ပျံသန်းဖို့ တစ်ယောက်တည်း အတွက်

မဟုတ်ဘူး လို့ တွေးသလားပဲ ...

phung bella said... @ June 29, 2012 at 3:57 AM

hi impressive blog.
We have a big website to sale cars online throughout Myanmar. Please visit us back at: http://motors.com.mm/?utm_campaign=mot_mm_lb_blog_phung&utm_source=mot_lb_blog&utm_medium=lb_blog

Mary Grace said... @ July 23, 2012 at 11:33 AM

Hi your blogs looks so impormative and interesting.would you come and visit us back too
http://ads.com.mm/?cid=4fd9a687e4b0fa6db841e34f&utm_campaign=ads_mm_lb_blog_mgesc&utm_source=ads_lb_blog&utm_medium=lb_blog

Post a Comment

 

Lipsum

Followers