ခေါင်ခေါင်

အမုန်းဖွဲ့..............အိန်ဂျယ်.........

Published by ခေါင်ခေါင် under on Saturday, September 06, 2008
ဒီညတော့ တောင်ကျချောင်းလို ငါရွာချလိုက်ပြီ... ။ အိန်ဂျယ်..ရေ..မင်းဟာ
ရတနာတွေ လျှို့ဝှက်မြုပ်နှံရာ ကျွန်းတစ်ကျွန်းပေါ့။ တစ်စစီ

ဆုတ်ဖြဲကြေမွနေတဲ့ လမ်းပြမြေပုံက ငါ့လက်ရှိဘ၀ပါ။ ငါ့ဘ၀ကို တစ်ရွာဝင်

တစ်ရွာထွက် ရွက်လွင့် ရှာဖွေနေဆဲ။ သတိရတိုင်း ကောင်းကင်ကိုပဲ

မော့မော့ ကြည့်မိတယ်။ တစ်ကယ်တော့ ကောင်းကင်တစ်ခုတည်း

အောက်မှာ အတူရှိနေခြင်းကပဲ ငါ့အတွက် နောက်ဆုံး အခွင့်အရေး..။
ငါတို့အတူ စီးဆင်းဖူးတဲ့ မြစ်တစ်စင်းကလဲ လူမသိသူမသိ

ဆက်လက်စီးဆင်း နေဆဲ..။ မြေပုံထဲမှာ ရှာလို့ကတော့ မင်းဘယ်လိုမှ

မတွေ့နိုင်ဘူး .. အိန်ဂျယ်.။မြေအောက်မြစ်တစ်စင်း သယ်ဆောင်လာတဲ့

သယံဇာတ တွေကို နှင်းဆီပန်းပွင့်တွေထဲ တိတ်တဆိတ် ငါဝှက်ထားခဲ့တယ်။
လမင်းတစ်စင်း ဆီမှာတိုင်တည်ရင်း နှစ်ပေါင်းများစွာ ဝေးကွာတတ်တဲ့

လေးထောင်းသေတ္တာထဲမှာ မီးတောက်လေး တစ်ခုကို ငါ့အသက်နဲ့ လဲပြီး

စောင့်ရှောက်ခဲ့တယ်။ ငါတို့ရဲ ပွဲတော်ရာသီပြန်ရောက်ရင် မီးကူးပြီး

ပွဲတစ်ခင်းလုံး လင်းစေရမယ်..။ ဒီမီးတောက်လေးကို မင်းအမုန်းနဲ့ ထွန်းညှိခဲ့

တာပါ..။ မင်းအမုန်းနဲ့ ငါ့မှာလင်းလို့လေ...။ ငါတစ်ယောက်ထဲ ကျန်ခဲ့တဲ့

နယ်မြေအဟောင်းထဲမှာတော့ ငါ့မှာ အလွမ်းတွေ ရွှဲရွှဲစိုရင်း....။ မနက်မနက်

ရောက်တိုင်း မင်းရှိတဲ့ အရပ်ဆီဦးညွတ်ရင်း....ဟို.. မိုးကုပ်စက်ဝိုင်းပေါ်မှာ ..

ငါ့နှလုံးသား .. နှင်းဆီပွင့်တွေ ...ထိုးစိုက်ပေးခဲ့တယ်...။

မင်းရောက်လာချိန်မှာတော့.. ဒေါသတကြီး ရိုက်နှက်ချွှေချလိုက်တဲ့

နှင်းဆီပွင့်ဖတ်တွေ.... ငါ့ကမ္ဘာမြေအနှံ့ ပြန့်ကျဲလို့ပေါ့...........။ ဒါဟာလည်း

ငါနေ့စဉ်ကပြနေတဲ့ အက်ကြောင်းထပ် ပြဇတ်တစ်ပုဒ်ပါပဲ.....။ ဒီလိုနဲ့ ငါလဲ

မင်းအမုန်းကို ဘိန်းစွဲသလိုစွဲခဲ့ရတယ်...။ နှင်းဆီတွေ မပွင့်ပဲ မနေနိုင်

ကြသလိုပဲ... မင်းအတွက်တော့ ငါဟာ အမုန်းဖွဲ့..တဲ့ ကဗျာတစ်ပုဒ်ပဲ..

ဖြစ်ခဲ့တယ်...။ ...........လွမ်းတယ်...........အိန်ဂျယ်...ရယ်....။



2 comments:

ဖြိုးငယ် said... @ September 7, 2008 at 6:03 AM

ကောင်းလိုက်တဲ့ကဗျာလေးကွာ ...
တာယာမင်းဝေတို့ .. နီကိုရဲတို့ ရေးထားတယ်
ထင်ရတယ် ....
ဒါလေးတော့ ကြိုက်တယ်ဟေ့

sait phay yar said... @ September 29, 2008 at 6:47 AM

ဒီကဗျာကိုစိတ်အ၀င်စားဆုံးဘဲ.. လာတိုင်းဖတ်တယ်...အဓိပါယ်တွေအများကြီးဘဲလို့...တော်တော်လေးကောင်းတယ်

Post a Comment

 

Lipsum

Followers